【繩角】馮素波回應與Anson Lo撞樣言論　波姐讚Lokman＋AK乖巧好學

資深藝人馮素波（波姐）首次拍ViuTV集，在《繩角》飾演楊樂文（Lokman）祖母。首次與Lokman和江𤒹生（AK）合作的波姐大讚兩個孫仔乖巧好學，自己亦不介意和兩位後輩分享拍劇心得。

波姐指，原來是因為早前有網友指Anson Lo與自己似樣，才開始留意MIRROR：「我好少上網睇呢啲年青人嘅嘢，有一日瞓醒亞仔俾個app我，整咗張相我睇。我開頭以為佢話我似男人，之後了解咗先知，呢個咩男仔呀，乜咁好樣嘅。咁先開始知道原來佢地叫『鏡子』。」 

AK指今次和大前輩波姐合作，獲益良多：「同波姐做對手戲時學到好多野，佢會share好多無論拍戲上定人生上嘅經驗俾我。我細細個就睇佢啲戲大㗎喇！」

其後，AK得知波姐以前為組合「七公主」成員，更指有機會要向波姐偷師，學習組合相處之道。 

最新影片推介：